Uuministeli otawu ningi iikonga yekenko lyaalumentu
01 July 2016 | Health
Oshitopolwa shotango shomahwahwameko ngoka osha tamekele mOshitopolwa shaZambezi, moka ehwahwameko ndyoka tali ithanwa Voluntary Medical Male Circumcision (VMMC) tali kwatelwa komeho kaahikingalo The Dogg naShotgun ya talele po ooskola oshowo omahala gaakwashigwana nokutsa omukumo aalumentu ya ye ya ka kenkwe.
Okuza moZambezi omahwahwameko ngoka oge ya mOndangwa, Ongwediva nOshakati moka natango aalumentu ya pewa esimano lyokukenkwa.
Omukwateli komeho gwoprogramma ndjoka mOshakati, Aina Iitula okwa popi kutya elalakano lyomahwahwameko ngoka ndyoka lya tulwa miilonga momvula yo-2009 okukwashilipaleka kutya aalumentu ya thika po- 28 889 oya kenkwa okuya mo-2017.
Iitulwa okwa popi kutya konena aalumentu owala o-9 000 ya kenkwa nomomuyalu moka inamu kwatelwa omakenko ngoka haga ningwa pamuthigululwakalo.
“Eyamukulo oli li pevi noonkondo unene muule woomvula ntano dhopetameko, omakenko ngoka ga yalulwa mo-2014 oga li pevi noonkondo. Otwiinekela kutya otatu adha omalalakano getu ngashiingeyi. Ekenko lyaalumentu otali shunitha pevi ondjele yompito yokukwatwa kombuto yoHIV oshowo omikithi dhilwe dhohoni.”
Omunambelewa ngoka okwa popi kutya mboka taya kenkwa uunona wuumati woomvula okutameka po-10 okuya pombanda.
Pauyelele wa gandjwa kuuministeli ondjele yetaandelo lyombuto yoHIV oyali ya tseyithwa ya thikama poopresenda 18 mo-2014.
“Otandi indile aalumentu ayehe yoomvula okuza po-10 okuya pombanda opo ya kenkwe molwaashoka oshi na uuwanawa monkalamwenyo dhawo,” Iitula ta ti.
Omahwahwameko ngoka okwa tegelelwa gaye kOshitopolwa shErongo oshowo moKhomas.
KENYA KAMBOWE
Okuza moZambezi omahwahwameko ngoka oge ya mOndangwa, Ongwediva nOshakati moka natango aalumentu ya pewa esimano lyokukenkwa.
Omukwateli komeho gwoprogramma ndjoka mOshakati, Aina Iitula okwa popi kutya elalakano lyomahwahwameko ngoka ndyoka lya tulwa miilonga momvula yo-2009 okukwashilipaleka kutya aalumentu ya thika po- 28 889 oya kenkwa okuya mo-2017.
Iitulwa okwa popi kutya konena aalumentu owala o-9 000 ya kenkwa nomomuyalu moka inamu kwatelwa omakenko ngoka haga ningwa pamuthigululwakalo.
“Eyamukulo oli li pevi noonkondo unene muule woomvula ntano dhopetameko, omakenko ngoka ga yalulwa mo-2014 oga li pevi noonkondo. Otwiinekela kutya otatu adha omalalakano getu ngashiingeyi. Ekenko lyaalumentu otali shunitha pevi ondjele yompito yokukwatwa kombuto yoHIV oshowo omikithi dhilwe dhohoni.”
Omunambelewa ngoka okwa popi kutya mboka taya kenkwa uunona wuumati woomvula okutameka po-10 okuya pombanda.
Pauyelele wa gandjwa kuuministeli ondjele yetaandelo lyombuto yoHIV oyali ya tseyithwa ya thikama poopresenda 18 mo-2014.
“Otandi indile aalumentu ayehe yoomvula okuza po-10 okuya pombanda opo ya kenkwe molwaashoka oshi na uuwanawa monkalamwenyo dhawo,” Iitula ta ti.
Omahwahwameko ngoka okwa tegelelwa gaye kOshitopolwa shErongo oshowo moKhomas.
KENYA KAMBOWE
Classifieds