Taku lalakanenwa eteyo ewanawa moKavango East
28 November 2018 | Agriculture
Pethimbo mpoka oshikako shomuloka tashi tameke ngoloneya gwoshitopolwa shaKavango East Samuel Mbambo, okwa pula aanamapya ya tameke okupulula omapya gawo na okwe ya tsu omukumo opo ya kale ye na einekelo nelalakano lyeteyo ewanawa.
A tseyika unene noshiyetwa po she sho 'Operation Werengendje' Mbambo omwedhi nguka okwa lombwele Ewi lyaNooli ethimbo olya thikana opo aanamapya ya tameke okulongekidha omapya gawo nokulongitha ompito yoshikako shomuloka.
Oshitopolwa shaKavango East muule wiiwike ya piti osha kala tashi mono omuloka na oshi li edhidhiliko kaanamapya opo ya tameke okupulula omapya gawo.
Operation Werengendje oya tulwa miilonga omvula yo 2016 na oya nuninwa okutsa omukumo nokuyambidhidha aakalimo yomoshitopolwa shaKavango East opo ya vule okulonga oondya dhe ya gwana nokuhwahwameka ekalekepo lyoondya moshitopolwa.
Iitopolwa iyali yaKavango oyi yimwe yomiitopolwa moshilongo mbyoka ya gwililwa po koluhepo ihe Mbambo oku na einekelo kutya aantu moshitopolwa she unene aanafaalama oye na oonkondo dhokukalekapo egamenenepo lyoondya okupitila melongo lyoondya dha gwana, ndhoka tadhi vulu okupalutha oshilongo ashihe.
Sho a pulwa kombinga yoshiyetwa po she shoka sho Operation Werengendje kutya otashi humu ngiini komeho konima nkene sha tulwa miilonga, Mbambo okwa popi kutya natango onkene taya kondjitha nokuhwahwameka oshiyetwa po shoka ihe oshindji osha pondolwa.
Ngoloneya okwa popi kutya iiyemo mbyoka ya pewa okuza kehangano lyoFishcor oshowo Namsov oya longithwa mokuyambidhidha nokukwathela aanafaalama miikandjohogololo yawo. Okwa popi kutya iikandjohogololo yili ihamano moshitopolwa she ayihe oya mono oshimaliwa shooN$100 00 shoka sha longithwa mokuyambidhidha aanafaalama.
Ngoloneya okwa tsikile kutya konima yomayambidhidho ngoka aanafaalama oyeshi pondola okulonga omahangu ogendji na oya landitha po gamwe kongushu yoshimaliwa shoomiliyona 1.7 kehangano lyoAgro-Marketing and Trade Agency (AMTA). “Shika osha hala okutya otwa longithwa oshimaliwa sha thika poN$600 000 noshizemo oomiliyona 1.7… ngashiingeyi owu wete kutya oshiyetwa po shoka osha pondola ngiini. Aantu yamwe natango onkene taya landitha kuAMTA.”
Mbambo okwa longitha woo ompito ndjoka ta pula aakuthimbinga ya yambidhidhe aanafaalama mboka opo ya vule okulonga oondya dha gwana.
KENYA KAMBOWE
A tseyika unene noshiyetwa po she sho 'Operation Werengendje' Mbambo omwedhi nguka okwa lombwele Ewi lyaNooli ethimbo olya thikana opo aanamapya ya tameke okulongekidha omapya gawo nokulongitha ompito yoshikako shomuloka.
Oshitopolwa shaKavango East muule wiiwike ya piti osha kala tashi mono omuloka na oshi li edhidhiliko kaanamapya opo ya tameke okupulula omapya gawo.
Operation Werengendje oya tulwa miilonga omvula yo 2016 na oya nuninwa okutsa omukumo nokuyambidhidha aakalimo yomoshitopolwa shaKavango East opo ya vule okulonga oondya dhe ya gwana nokuhwahwameka ekalekepo lyoondya moshitopolwa.
Iitopolwa iyali yaKavango oyi yimwe yomiitopolwa moshilongo mbyoka ya gwililwa po koluhepo ihe Mbambo oku na einekelo kutya aantu moshitopolwa she unene aanafaalama oye na oonkondo dhokukalekapo egamenenepo lyoondya okupitila melongo lyoondya dha gwana, ndhoka tadhi vulu okupalutha oshilongo ashihe.
Sho a pulwa kombinga yoshiyetwa po she shoka sho Operation Werengendje kutya otashi humu ngiini komeho konima nkene sha tulwa miilonga, Mbambo okwa popi kutya natango onkene taya kondjitha nokuhwahwameka oshiyetwa po shoka ihe oshindji osha pondolwa.
Ngoloneya okwa popi kutya iiyemo mbyoka ya pewa okuza kehangano lyoFishcor oshowo Namsov oya longithwa mokuyambidhidha nokukwathela aanafaalama miikandjohogololo yawo. Okwa popi kutya iikandjohogololo yili ihamano moshitopolwa she ayihe oya mono oshimaliwa shooN$100 00 shoka sha longithwa mokuyambidhidha aanafaalama.
Ngoloneya okwa tsikile kutya konima yomayambidhidho ngoka aanafaalama oyeshi pondola okulonga omahangu ogendji na oya landitha po gamwe kongushu yoshimaliwa shoomiliyona 1.7 kehangano lyoAgro-Marketing and Trade Agency (AMTA). “Shika osha hala okutya otwa longithwa oshimaliwa sha thika poN$600 000 noshizemo oomiliyona 1.7… ngashiingeyi owu wete kutya oshiyetwa po shoka osha pondola ngiini. Aantu yamwe natango onkene taya landitha kuAMTA.”
Mbambo okwa longitha woo ompito ndjoka ta pula aakuthimbinga ya yambidhidhe aanafaalama mboka opo ya vule okulonga oondya dha gwana.
KENYA KAMBOWE
Classifieds