Akapandi a gandja oshiholelwa oshiwanawa
25 July 2018 | Agriculture
Momvula yo2015 omunageshefa John Akapandi Endjala okwa lundulula epya lye lyomahangu no ku li ninga oshikunino shiiyimati, moka a kunu omiti dhomamengo dhi Ii 700, oongongo oshowo omalemune.
Omunangeshefa ngoka e li mwene gwoongehsfea dhoJ&P Group okwa lundululile epya lye lyuunene woohecta 10 momukunda gwaandjaawo Okapya, moshikunino shiiyimati opo a vule okukala ta gandja iiiyimati koongeshefa dhe dhoohotela.
Konima sho a dhidhilike kutya epaya lye itali zi we omahangu ngaashi sha kala nale okwa tokola opo e li ninge oshikunino.
Momvula yo 2015 okwa ningi epya lye ndyoka oshikunino moka a kunu omamengo, oongongo oshowo omalemune. “Muule woomvula odhindji dha piti onda kala tandi longo nuudhiginini mepya lyandje ndika, ihe ihamu zi we omahangau ga gwana ngaashi nale, ndi wete sha etithwa konkalo yelunduluko lyombepo. Onda tokola nduno opo epya lyandje ndi li ninge po oshikunino opo ndi vule okukala tandi gandja iiyimati koohotela dhandje. Onda tameke momvula yo 2015 na osha etelandje iizemo iiwanawa. Momvula twa taalela otandi tameke tandi kunu iihape,” Endjala a popi. Okwa popi kutya okwa landa omiti ndhoka a tsike moshikunino she okuza kUuminsteli wUunamapya moGrootfontein na okwa kuta miilonga aaniilonga yaali mboka taya sile oshisho oshikunino she shoka. Oongeshefa dhoJ&P Group odhi na omagumbo gaayenda ge li gane - Ekamuti Town Lodge mondoolopa yaNdangwa, Toko Kamanjab Lodge moKamanjab, Shikamasha Lodge popepi nEtosha National Park oshowo Endjala Traditional Village mOkapya, mpoka tapu adhika oshikunino she.
“Ohatu gandja komagumbo agehe ngoka gaayenda iiyimati tayi zi moshikunino shoka, na oyongushu yopombanda. Shika otashi tu hupitha mokulongitha iimaliwa mokulanda iiyimati. Shoka osho sha etitha tu dhilaadhile ishewe okutameka okukuna iihape opo tu vule okupalitha ookastoma dhetu tseyene.”
Endjala okwa holola polweela oshikunino she shoka, kOminista yOmidhingoloko, Pohamba Shifeta sho a patulula pambelewa oEndjala Traditional Village omwedhi nguka.
Shifeta okwa nyanyudhwa noonkondo kiilonga yaEndjala na okwa pula ooyene yomahangu yalwe ya kutheko oshiholelwa she.
“Ngaka omadhilaadhilo omawanawa na oga pumbwa okukuthwa ko. Omalunduluko ngoka taga etithwa kelunduluko lyonkalo yombepo oge li oshinima tu shiwete kehe esiku monena. Omuloka ogwa shuna pevi na otu wete omalunduluko pethimbo lyomuloka oshowo uule wethimbo haku lokwa. Omapya getu ihaga nduluka we oondya dha gwana,na otwa pumbwa okukwashilipalea kutya otwa longa oopresenda 30 dhoondya dhetu,” Shifeta a popi.
Endjala okwa tameke ongeshefa ye momvula yo 1995 pamwe nomukulukadhi gwe Penny, noongeshefa dhawo odha koko, moshikondo shelongo lyoondya, omayakulo giituthi nomainyanyudho.
Omvula ya piti, oMeat Board of Namibia oya gandja kongeshefa yo J&P Group epapa lyoSeal of Quality award, omolwa ongushu yonyama yawo ndjoka hayi longwa kehangano lyawo mOndangwa.
Elelo lyoMeat Board olya li lya shambulwa noonkondo kongushu yiilonga tayi longwa mofakitoli yehangano ndyoka mOndangwa, ndjoka oyo yotango monooli yoshilongo kombanda yomusinda omutiligane.
Epapa ndyoka otali popi nokuholola ongushu yonyama hayi longwa kehangano ndyoka, oshowo egwanithe po lyomilandu noompango melongo lyonyama nekalekepo woo lyuundjolowele.
Oprograma ndjoka yoSeal of Quality oya tulwa miilonga opo ku kwashilipaleke kutya aalandi otaya landa oonyama dha ndulukwa megameno.
Elelo lyoMeat Board natango olya kutha oshinakugwanithwa sho ku longitha ehangano lyoJ&P Group momahwahwamekitho gawo giipindi, naashoka otashi yambulapo omwaalu gwookastoma dhehangano ndyoka. Elelo ndyoka ohali ningile omakonaakono kehe omvula ehangano ndyoka, opo li kwashilipaleke kutya otali gwanitha po tuu omilandu.
Otali yambidhidha woo aaniilonga opo ya vule okunduluka iilongomwa yongushu.
ILENI NANDJATO
Omunangeshefa ngoka e li mwene gwoongehsfea dhoJ&P Group okwa lundululile epya lye lyuunene woohecta 10 momukunda gwaandjaawo Okapya, moshikunino shiiyimati opo a vule okukala ta gandja iiiyimati koongeshefa dhe dhoohotela.
Konima sho a dhidhilike kutya epaya lye itali zi we omahangu ngaashi sha kala nale okwa tokola opo e li ninge oshikunino.
Momvula yo 2015 okwa ningi epya lye ndyoka oshikunino moka a kunu omamengo, oongongo oshowo omalemune. “Muule woomvula odhindji dha piti onda kala tandi longo nuudhiginini mepya lyandje ndika, ihe ihamu zi we omahangau ga gwana ngaashi nale, ndi wete sha etithwa konkalo yelunduluko lyombepo. Onda tokola nduno opo epya lyandje ndi li ninge po oshikunino opo ndi vule okukala tandi gandja iiyimati koohotela dhandje. Onda tameke momvula yo 2015 na osha etelandje iizemo iiwanawa. Momvula twa taalela otandi tameke tandi kunu iihape,” Endjala a popi. Okwa popi kutya okwa landa omiti ndhoka a tsike moshikunino she okuza kUuminsteli wUunamapya moGrootfontein na okwa kuta miilonga aaniilonga yaali mboka taya sile oshisho oshikunino she shoka. Oongeshefa dhoJ&P Group odhi na omagumbo gaayenda ge li gane - Ekamuti Town Lodge mondoolopa yaNdangwa, Toko Kamanjab Lodge moKamanjab, Shikamasha Lodge popepi nEtosha National Park oshowo Endjala Traditional Village mOkapya, mpoka tapu adhika oshikunino she.
“Ohatu gandja komagumbo agehe ngoka gaayenda iiyimati tayi zi moshikunino shoka, na oyongushu yopombanda. Shika otashi tu hupitha mokulongitha iimaliwa mokulanda iiyimati. Shoka osho sha etitha tu dhilaadhile ishewe okutameka okukuna iihape opo tu vule okupalitha ookastoma dhetu tseyene.”
Endjala okwa holola polweela oshikunino she shoka, kOminista yOmidhingoloko, Pohamba Shifeta sho a patulula pambelewa oEndjala Traditional Village omwedhi nguka.
Shifeta okwa nyanyudhwa noonkondo kiilonga yaEndjala na okwa pula ooyene yomahangu yalwe ya kutheko oshiholelwa she.
“Ngaka omadhilaadhilo omawanawa na oga pumbwa okukuthwa ko. Omalunduluko ngoka taga etithwa kelunduluko lyonkalo yombepo oge li oshinima tu shiwete kehe esiku monena. Omuloka ogwa shuna pevi na otu wete omalunduluko pethimbo lyomuloka oshowo uule wethimbo haku lokwa. Omapya getu ihaga nduluka we oondya dha gwana,na otwa pumbwa okukwashilipalea kutya otwa longa oopresenda 30 dhoondya dhetu,” Shifeta a popi.
Endjala okwa tameke ongeshefa ye momvula yo 1995 pamwe nomukulukadhi gwe Penny, noongeshefa dhawo odha koko, moshikondo shelongo lyoondya, omayakulo giituthi nomainyanyudho.
Omvula ya piti, oMeat Board of Namibia oya gandja kongeshefa yo J&P Group epapa lyoSeal of Quality award, omolwa ongushu yonyama yawo ndjoka hayi longwa kehangano lyawo mOndangwa.
Elelo lyoMeat Board olya li lya shambulwa noonkondo kongushu yiilonga tayi longwa mofakitoli yehangano ndyoka mOndangwa, ndjoka oyo yotango monooli yoshilongo kombanda yomusinda omutiligane.
Epapa ndyoka otali popi nokuholola ongushu yonyama hayi longwa kehangano ndyoka, oshowo egwanithe po lyomilandu noompango melongo lyonyama nekalekepo woo lyuundjolowele.
Oprograma ndjoka yoSeal of Quality oya tulwa miilonga opo ku kwashilipaleke kutya aalandi otaya landa oonyama dha ndulukwa megameno.
Elelo lyoMeat Board natango olya kutha oshinakugwanithwa sho ku longitha ehangano lyoJ&P Group momahwahwamekitho gawo giipindi, naashoka otashi yambulapo omwaalu gwookastoma dhehangano ndyoka. Elelo ndyoka ohali ningile omakonaakono kehe omvula ehangano ndyoka, opo li kwashilipaleke kutya otali gwanitha po tuu omilandu.
Otali yambidhidha woo aaniilonga opo ya vule okunduluka iilongomwa yongushu.
ILENI NANDJATO
Classifieds