Onkalamwenyo ompe
25 September 2019 | Health
Konima yomwedhi gumwe sho a nyenyeta pethimbo lyoshigongi sha ningwa komupresidende moRundu kombinga yompumbwe yiilyo yolutu yopaunongononi moshipangelo shepangelo mondoolopa ndjoka, omunaimvo 49, Lukas Mpandu yaMpandu okwa nyanyukwa sho a pewa okugulu kwopaunongonino, okupitila mopoloyeka yepangelo lyaIndia.
YaMpandu okuli gumwe gwomoonakumona uuwanawa okupitila mooloyeka yoJaipur foot project, ndjoka tayi kwatelwa komeho kehangano lyoBhagwan Mahaveer Viklang Sahayata Samiti (BMVSS) moka AaNamibia yeli po 500 taya ka pewa omagulu gopaunongonino oshali moRundu.
YaMpandu, okwa za momukunda Sambyu na okwa li nale omulongi gwoshilongwa shomwaalu poskola yaMaria Mwengere Secondary School.
Ina vula okuholeka enyanyu lye sho a gandja ehokololo lye koshifokundanei shoNamibia Sun.
Okugulu kwe kokokumoho okwa tetwako momvula yo 2016.
Okuza mpoka okwa kala iikolelela komampango oshowo okatemba opo a vule okuya kehe mpoka a hala.
Sho a pewa ompito a popye pethimbo lyoshigongi sha ningwa komupresidende moRundu muAuguste, okwa popi kombinga yaantu taya lumbu nomaulema na okwa holola nkene oshidhigu kuye okumona okugulu kwopaunongononi.
Okwa pula uuministeli wuundjolowele wu kandulepo omukundu ngoka.
Okwa pandula ekwatho ndyoka ya pewa, ta popi kutya uuna a tseya nawa okulongitha okugulu hoka otaka konga iilonga.
Omahwahwameko ngoka oga tulwa miilonga mOmaandaha komupeha minista muundjolowele, Juliet Kavetuna, ngoka a lesha oshipopiwa pehala lya minista Kalumbi Shangula.
Sho opoloyeka ndjoka otayi ningwa uule wiiwike ihamano, Shangula okwa pula aaleli yoshigwana opo ya tseyithile mboka taya lumbu nomaulema opo yiishangithe ya vule okumona ekwatho ndyoka
Okwa hololwa kutya omagulu ngoka gopaunongononi okuza koJaipur ohaga pula oshimaliwa shooN$16 000, omanga galwe okuza miilongo ya putuka haga pula oshimaliwa shili pokati koN$160 000 noN$250 000.
Ngele okugulu hoka kwa kwatwa nawa otaku vulu okukala monkalo ombwaanawa uule woomvula ne.
Omwaalu gwaantu yontumba oya mono ekwatho ndyoka konima nkene opoloyeka yatameke mEtitano.
KENYA KAMBOWE
YaMpandu okuli gumwe gwomoonakumona uuwanawa okupitila mooloyeka yoJaipur foot project, ndjoka tayi kwatelwa komeho kehangano lyoBhagwan Mahaveer Viklang Sahayata Samiti (BMVSS) moka AaNamibia yeli po 500 taya ka pewa omagulu gopaunongonino oshali moRundu.
YaMpandu, okwa za momukunda Sambyu na okwa li nale omulongi gwoshilongwa shomwaalu poskola yaMaria Mwengere Secondary School.
Ina vula okuholeka enyanyu lye sho a gandja ehokololo lye koshifokundanei shoNamibia Sun.
Okugulu kwe kokokumoho okwa tetwako momvula yo 2016.
Okuza mpoka okwa kala iikolelela komampango oshowo okatemba opo a vule okuya kehe mpoka a hala.
Sho a pewa ompito a popye pethimbo lyoshigongi sha ningwa komupresidende moRundu muAuguste, okwa popi kombinga yaantu taya lumbu nomaulema na okwa holola nkene oshidhigu kuye okumona okugulu kwopaunongononi.
Okwa pula uuministeli wuundjolowele wu kandulepo omukundu ngoka.
Okwa pandula ekwatho ndyoka ya pewa, ta popi kutya uuna a tseya nawa okulongitha okugulu hoka otaka konga iilonga.
Omahwahwameko ngoka oga tulwa miilonga mOmaandaha komupeha minista muundjolowele, Juliet Kavetuna, ngoka a lesha oshipopiwa pehala lya minista Kalumbi Shangula.
Sho opoloyeka ndjoka otayi ningwa uule wiiwike ihamano, Shangula okwa pula aaleli yoshigwana opo ya tseyithile mboka taya lumbu nomaulema opo yiishangithe ya vule okumona ekwatho ndyoka
Okwa hololwa kutya omagulu ngoka gopaunongononi okuza koJaipur ohaga pula oshimaliwa shooN$16 000, omanga galwe okuza miilongo ya putuka haga pula oshimaliwa shili pokati koN$160 000 noN$250 000.
Ngele okugulu hoka kwa kwatwa nawa otaku vulu okukala monkalo ombwaanawa uule woomvula ne.
Omwaalu gwaantu yontumba oya mono ekwatho ndyoka konima nkene opoloyeka yatameke mEtitano.
KENYA KAMBOWE